Rm 2311, 23/F, One Vista Summit, 3 San Hop Lane, Tuen Mun
究竟讀唔N班好?
呢一個一定係好多兩歲家長煩惱嘅問題。慶幸當年我在暑假時認識了Jungle Paradise 之後上了它的恆常英語學前預備班。Miss JoJo 同 Miss Nat Nat 的細心教學下，我的兒子卓藍變得比從前外向，由於小班教學的關係，他有很多表達自己的機會，慢慢變得很有自信，也開始喜歡英文及閱讀。這些無形中為他建立了不錯的基礎，也幫助他考上了一直心儀的幼稚園。我還記得他一上學老師便問我卓藍是否在英語家庭長大，讚賞他英文應對得非常之好！良好的師資及語言環境是可遇不可求的。好感恩認識了JP!
因為疫情肆虐，仔仔整日困在家中，接觸唔到外面的人和事，所以當疫情受控後，我就在朋友的推薦下參加左JP學前預備班。從一開始進入教室，喊到收唔到聲，到之後愛上返學，過程中睇到老師們的耐心教導。
剛返學時，仔仔一個人上堂，會扭計，害怕，經過Miss JoJo的引導，開始學習模仿短句，和同學仔相處融洽。每次放學後的晚上，仔仔都會唱歌比我哋聽，言語中可以睇到他的表達得到了很大地提升。
雖然只是參加了三個月左右的，作為家長我們睇到他一天天的改變，真係很感慨。剛好今天係仔仔第一天返N班，他很快就能進入狀態，在幼稚園玩得十分開心，相信在學習上能夠駕輕就熟。
當初認識JP係喺我仔仔1歲左右，見JP由親子課程到大少少嘅英文拼音都好適合我仔仔，所以就幫仔仔報左Playgroup同幼兒分離適應課程。
上堂時會做一啲喺屋企唔會做嘅活動，好似親子美術、messy play、玩沙咁，我自己都感覺好新奇，原來老師可以用一啲喺屋企就搵到嘅材料去變成小朋友嘅玩意！
最後分離適應課程會請家長出課室門口睇下小朋友慣唔慣，點知我個仔拜拜左我之後，放學都唔肯跟我走，嗰時我就知道我冇揀錯地方啦！
我自問係一個冇咩要求嘅媽媽，只希望佢可以喺一個開心嘅環境學習同其他人相處，同埋培養對英文嘅興趣。有時我同仔仔出街，佢無啦啦就會講句：This one? 又會唱下英文兒歌，我就知道佢返學原來都有留心老師講嘅野！
最近，佢終於都要去幼稚園面試喇！佢竟然識做晒老師嘅指令，好神奇呀！
當初會選擇JP學前預備班係因為囡囡姑媽介紹！佢大仔係由好細個就已經係度上分離班！仲學得好好！咁岩詩墁都需要上分離班準備返K班！一開始我都試左堂先，發現詩墁都可以自己跟Miss上堂又唔會要我陪！於是我一月份就開始畀佢真正自己上堂！一開始入門口都有喊，要我陪入去！之後Miss Nat Nat或者Miss JoJo都會抱佢入去慢慢安慰佢！望住佢喊住同我講拜拜真係好搞笑！
之後都有連住2個星期喊住話唔入去，每次搭車經過附近已經講定唔返學！不過我發現到左1個月後就開始有變化啦！佢唔會再講唔返學又唔會喊，入門口前同我講拜拜！返到屋企又會同我講上堂有咩事發生，會講好多英文單詞！
返左差不多7個月後，最驚訝係佢會成日同我講全句英文！（例如where are you mommy? ）我回覆佢，佢都識對答！佢依家平時係屋企都會用好多英文講嘢！又成日用英文為難佢爸爸！又會唱英文歌！日日都要我同佢扮演返學情景，佢係miss, 我係student！
其實我一路都知道自己選擇好左一間好岩嘅playgroup俾囡囡！因為佢嘅變化唔係得我知道！連屋企人同埋一齊玩嘅朋友都話佢識好多英文，另外自理方面都好叻！特別最近要轉學校又重新去面試！見到佢嘅表現同上年爭好遠！佢會用英文對答，會好自覺放好書包同泊好櫈仔！幼稚園老師見到都話佢好似好成熟咁！所以好快就錄取左佢！
所有呢啲事件嘅變化都係因為Miss JoJo同Miss Nat Nat加其他Miss嘅用心教導！我真係好開心姑奶嘅介紹！先可以讓囡囡有個不一樣嘅成長經歷！我都會將呢間咁有愛心嘅playgroup介紹俾身邊朋友！
好開心Heison完成學前班，回想返分離班果陣佢仲喊，到學前班佢已經鍾意返學，睇住佢一路成長學習，放學仲會同我地分享返學嘅有趣事，例如邊個邊個同學仔唔舒服,喊,學咗啲咩,唱咗咩歌,食咗啲咩等等...
起初仲驚佢唔適應擔心佢，但佢嘅學習能力遠超我地嘅想像，最重要要多謝Miss Jo Jo同Ｍiss Nat Nat嘅耐心教導，Heison真係好鍾意你地，有時佢講咗啲我地無教嘅野，我地問邊個教你架？佢都會第一時間答！係Miss Jo Jo同Miss Nat Nat教！Good！咁樣講，希望Heison上到K1返學嘅時候都會記住兩位老師曾經嘅教導，可以喺一個開心學習環境下成長！
回想剛開始要到不同的教育中心試堂時，旻諾總是黏在我們身邊坐立不安，到早前我選擇於JP報讀幼兒分離適應班時，他雖然會帶點不安，但每堂都能夠接受自己獨立和老師進行一些活動，這令我知道他特別喜歡這裡的老師。現在他已經升讀全英語獨立班，跟他提及到要上課時，他竟然主動拿背包跟穿鞋子趕出門似的。這種態度上明顯的轉變，我想跟老師與學生的互動有著重要的關係！
觀察過老師的些堂模式，她們透過唱遊、講故事等活動提升小朋友的專注力，而遊戲活動過程中除了小肌肉訓練外，也會讓小朋友學會常規，老師在課堂中更會適時讚美和鼓勵小朋友，讓小朋友漸漸建立起自信。下課後，老師亦會主動匯報他上堂情況，讓我了解旻諾更多，我想這就是旻諾喜歡她們的原因。而全英語授課也是我非常滿意的安排，好讓0-6歲語言發展期的小朋友更容易吸收，以上的課堂特色，均能在旻諾的日常生活的小改變上看到，這讓我更安心讓他繼續在JP繼續學前預備班的課程。
選擇課程有好多考慮，但我發現小朋友最後會自己揀! 因為囡囡出世到而家都係媽媽自己一個人湊，所以分離焦慮症十分嚴重，試過好多間playgroup，都會進行強迫分離，反而有反彈嘅效果，Jungle Paradise會按小朋友嘅需要調節，唔會硬性規定家長幾時離開或離開幾耐課室，呢個方案比較適合我囡囡，所以選擇咗呢度。
上咗一段時間，覺得老師好有愛心，囡囡好鐘意上堂，而且仲有好大嘅改變，第一次離開媽媽視線上堂，第一次可以獨立完成一張畫，第一次響大喊嘅時候去咗搵老師抱，媽媽真心覺得佢突然間大個女咗好多，而佢係真心鍾意老師呢，呢份安全感，比起課程上面學到啲乜嘢，更加重要。
終於到K1開學嘅時間，Marcus係JP大半年😉一星期返2堂😆
本身講中文多，對答都係用中文，但自從上咗堂之後不單止講多咗英文，更加愛上咗返學☺️
係學校更加認識咗新朋友仔，我相信9月正式開學佢唔會咁抗拒返學😆
由於英文同自理能力方面進步咗，升上K1後我相信Marcus會更有自信面對😎
多謝老師大半年嘅照顧同教導😘
更加全靠一位二寶媽媽介紹呢間咁有愛心嘅PG比我🤩
如果Marcus有弟弟妹妹我一定會再交比你哋🥰🥰
Theo由PG開始已經係JP到上堂。見到Theo上PG好開心，好中意JP既老師，亦好認同你地既教學內容同方式，所以都比Theo 揀喺JP度上學前預備班。
眼見Theo由最初分離同我哋講拜拜，由唔肯坐不停跑到大部分時間都會守規矩乖乖地上堂，平時亦都會同我地share上堂既內容同歌，令我哋覺得Theo上咗JP嘅學前預備班感覺好似成長咗好多好多。好多謝JP既老師好耐心教導Theo❤
由PG到學前預備班再到幼稚園。好多上堂既規矩，Theo大概都已經有個概念，對於佢而家係幼稚園既生活都有好大既幫助，亦都好投入佢既校園生活☺
真心好多謝Miss JoJo , Miss NatNat, Miss Serene既教導，Theo 愛你地❤❤❤
多謝老師大半年嘅照顧同教導😘
更加全靠一位二寶媽媽介紹呢間咁有愛心嘅PG比我🤩
經其他家長介紹認識JP，口碑十分好、老師有愛心、令小朋友愛上返學💕
Chloe自從返左JP之後經常都問幾時再返學，會話俾爸媽知好鍾意JP老師😘 最驚喜係佢有非常大嘅進步，短時間內英文詞彙量激增，仲識得用英文短句表達👍🏻
多謝Miss JoJo, Miss Nat Nat, Miss Serene, Miss BoBo, Miss Mika💕
記得當初是機緣巧合下去到Jungle Paradise試堂，起初只是試Playgroup，之後得悉原來JP有幼稚園學前分離班，而我又好想非常黐身的女兒嘗試獨立上堂，所以就決定報名。
由她20個月大開始讀到入K1前的暑假，起初的頭兩堂她仍然企埋一邊喊，之後經過Miss Jojo的細心觀察，好快已經了解她，所以入去喊一陣就沒有再喊了，亦漸漸開始有與同學交流和投入課堂，這一點是幾令我佩服的。
而每次接她放學時，都見她好開心地排隊走出大門，從她的笑容告訴了我，她在JP上堂，是絕對的高興。平時間中她還提及Miss Jojo和Miss Nat Nat的名字，可想而知老師的愛心已經打動了我的女兒。
同時，導師會主動透過WhatsApp講述學習情況，給我感覺不單是一間普通的教學中心，而是好似一間幼稚園，能做到家校合作。因此，這是我繼續選擇報讀JP的原因。
如今，女兒剛開始K1的校園生活，某程度上除了適應新環境的時間比以往快外，當初JP的課程，相信對面試K1及N班都有一點的幫助吧！
幫小朋友選擇教育中心係父母最頭痛既事，好彩朋友介紹左Jungle Paradise 俾我！
由於謙謙係個非常痴身既小朋友，而且當時佢只係歲半，仲記得佢第一次去到JP上恆常班時會喊，而且仲唔肯入課室，但上完堂之後我問佢仲想唔想去Miss JoJo度到上堂，佢竟然答想！真係估唔到！第三堂開始佢已經自己主動入課室同講Bye Bye！見到佢不斷進步，媽媽真係覺得好開心！
以前因為佢冇兄弟姊妹所以好多時候都自己玩，亦擔心佢唔太識點同其他小朋友相處，依家喺JP認識左朋友仔，有時喺屋企都會提起朋友仔個名！亦都唔抗拒同其他小朋友玩！
最近開始返幼稚園，就算第一日返學，佢一啲都冇喊，仲好鍾意去學校！相信呢啲都係喺JP返學既成果。謙謙好鐘意Miss JoJo同Miss NatNat，證明謙謙喺Jungle Paradise返學係非常開心愉快！
當初我地喺網上見到JP 既學前預備課程，所以選擇左俾Crystal 參與。
參與左呢個課程之後，我地發覺呢個課程可以幫助到訓練Crystal 既獨立思考能力，培養佢獨立自主精神，同埋最重要係幫助到佢到時升上K1既時候唔會哭鬧。
當初有得試堂，發覺老師很用心，課堂內容適宜，價錢合理，所以選擇報讀。
小朋友本身慢熱怕羞，返過其他學前班都會喊，但JP 初初上堂可以家長陪同，等小朋友ready 的時候才自己獨自上堂，現在小朋友返K1了，好幸運地適應得不錯，初初獨自返學也沒有哭😃
眨吓眼峰峰咁快就係JP返左一年學喇！好多謝Miss JoJo同Miss Nat Nat嘅悉心教導。
想當初見到Jungle Paradise係用英語教學，而我又希望峰峰可以學到多啲英文，所以揀左呢度嘅學前預備班。
睇住佢呢一年黎既成長，係呢到學好多自理能力，而且仲識得點樣同其他小朋友相處，有時仲會照顧埋其他小朋友，對佢黎緊返幼稚園真係好大幫助！👍 👍